Туризмді дамыту бойынша имидждік іс-шаралар

2019 жылдың І-жартыжылдық бойынша іс-шаралар

Үстіміздегі жылдың 15 сәуірі күні Өзбекстан Республикасының астанасы Ташкент қаласында Өзбекстандағы Қазақстан жылының ресми ашылуы қарсаңында екі ел президенттері «Ұлы дала мұрасы» атты көрмені аралады. Онда қойылған құнды мұралар негізінен Тұңғыш Президент - Елбасы Нұрсұлтан Назарбаевтың «Ұлы даланың жеті қыры» мақаласын жан-жақты насихаттауға арналған. Аталған іс-шараға өңіріміздің туризм саласының әлеуетін толық таныстыру мақсатында облыстық кәсіпкерлік және туризм басқармасының делегациясы қатысты.

Сонымен қатар, үстіміздегі жылдың 17-19 сәуір аралығында Алматы қаласында жыл сайынғы 19 - халықаралық «KITF – 2019» көрмесі өтіп, оған әлемнің 45 елінен 5000-нан астам адам қатысты. «KITF – 2019» экспозициясының жалпы алаңы 6 929 шаршы метрді құрады, онда біздің облыс Түркістан және Жамбыл облыстарымен бірлесіп "Ұлы Жібек жолын жаңғырту" кластерінде ұсынылды. Аталған іс-шараға басқарманың туризм бөлімінің мамандары қатысты.    Өткізілген 3 күн ішінде көрмеге келушілер Қызылорда облысының туристік әлеуетімен танысып, ақпараттық материалдарды (жолсілтемелер, буклеттер, карталар, Кәдесый өнімдері, қаламдар, брелоктар және т.б.) алды. Облысымыздың Стендінде ұсынылған Протон-М, Союз-ТМ зымыран тасығыштарының макеттері еліміздің әр өңірінен және алыс шетелдерден келген көптеген келушілердің ерекше назарына ілікті.


Туризмді дамыту бойынша имидждік іс-шаралар

 

Өңірдің туристік әлеуетін арттыру мақсатында Қызылорда облысының делегациясы "KITF"(28-29 сәуір) және «Astana Leisure» (26-28 қыркүйек),  халықаралық көрмелеріне қатысты. Сондай-ақ Петропавл қаласындағы Қазақстан мен Ресейдің XV өңіраралық ынтымақтастық форумына (8-9 қараша).және Шымкент қаласындағы Қазақстан мен Өзбекстанның бірінші аймақаралық форумына қатысты (14-15 қараша).

Балалар мен жасөспірімдер туризмі

Облыста 9 балалар лагері жұмыс істейді, оның ішінде жыл бойы жұмыс жасайтын «Қамбаш» балаларды сауықтыру және қосымша білім беру орталығы. 2018 жылдың қорытындысы бойынша облыстың лагерлеріне келген балалар саны 8 672 баланы құрады.

Ірі туристік нысандар бойынша

Қазақстан Республикасының туристендіру картасына Қызылорда облысынан 3 нысан енгізілді. («Қамыстыбас» демалыс аймағы, «Жаңақорған» Шипажайы, «Байқоңыр» ойын-сауық туристік аймағы), оның ішінде «Байқоңыр» ойын-сауық туристік аймағын құру жобасы ҚР туристендіру картасының ТОП-10 нысандар тізіміне енгізілді.


2018 жылға іс-шаралар

 

Қазіргі таңда, Қармақшы ауданының әкімдігі Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасымен және жер қатынастары басқармасымен «Байқоңыр» ойын – сауық туристік аймағының жер телімін рәсімдеу мәселесі пысықталуда.

Бұдан бөлек, ағымдағы жылдың сәуір айында Алматы қаласының «Атакент» көрме орталығында 18-ші «Туризм және Саяхат» Қазақстандық Халықаралық көрмесі өткізілді.

Қызылорда облысы өзінің туристік әлеуетін, атап айтқанда өңір бренді - «Байқоңыр» кешенін, Қорқыт Ата мемориалды кешенін, «Жаңақорған» шипажайын және де барлық туристік нысандары, олар жайлы толық ақпараттар еліміздің және шетелдік азаматтар назарына ұсынды.

Өңіріміз «Ұлы Жібек Жолының жандануы» атты Қазақстандық стендтте Оңтүстік Қазақстан облысы және Жамбыл облыстарымен қатар орналастырылды.

Сонымен қатар, Қызылорда облысының әкімдігімен 2018-2020 жылдарға арналған аймағымыздың туристік саласын дамыту бойынша өңірлік іс-шаралар жоспары бекітілді.

Үстіміздегі жылдың мамыр айында басқарма қызметкерлерімен ТАО (Туристік ақпараттық орталық) құру мақсатында тәжірибе алмасу үшін Шымкент қаласына іс-сапар ұйымдастырылды.

Ағымдағы жылдың 11 маусымында облыс әкімі Қ. Көшербаевтың төрағалығымен өткен аппараттық мәжілістің хаттамасымен туристік ақпараттық орталыққа  ғимарат бөлу мәселесін қарастыру тапсырылды.

Бұдан бөлек, 2018 жылдың сәуір айында басқарма тарапынан Республикалық туристендіру картасына 3 туристік нысан ұсынылып, тізімге енгізілді («Байқоңыр ойын-сауық туристік аймағы», «Қамыстыбас» демалыс аймағы, «Жаңақорған» санаториі).


Туризм саласы бойынша

 

Статистикалық мәліметтерге сәйкес 2017 жылдың қорытындысы бойынша облысқа келген шетелдік туристер саны 3173 адамды құрады. Бұл  2016 жылдың сәйкес кезеңімен салыстырғанда, 8,0 %-ға өскен. Ал, ішкі келу туризмі 56 019  адамға артып, 20,4 пайызға өсті.

Сонымен қатар, облыста қонақ үйлер саны 90 бірлікті құрап, ондағы бөлмелер саны – 1070-ке жетті. Сонымен бірге, олардың біржолғы орналастыру сыйымдылығы 1912 төсек-орынды құрайды.

2017 жылдың қорытындысы бойынша қонақ үйлермен 59 192 адамға қызмет көрсетіліп, көрсетілген қызметтер құны 933,6 млн. теңгені құрады. Бұл өткен жылдың сәйкес кезеңімен салыстырғанда 19,8 пайызға артып отыр.

Облысымызда санаты жоғары қонақ үйлер қатары да артуда. Мәселен, 2017 жылдың шілде айында салынған «Сұлтан Плаза» қонақ үйіне ағымдағы жылдың 2 ақпанында 5 жұлдызды қонақ үй статусы берілді.

Бүгінгі күнге облыстағы 16 қонақ үй әлемдік деңгейдегі «BOOKING.COM» сайтына тіркелген.

«Қамбаш» көлінің жағалауында туризмді дамыту бойынша.

Қазіргі уақытта Қамбаш көлі жағалауында туризмді дамыту мақсатында жекешелік әріптестік арқылы 105 млн. қаржыға 90-ға  жуық нысан салынған.

Нәтижесінде, мәдени-экологиялық туризмді қалыптастыру үшін неғұрлым қолайлы жағдай жасау арқылы Қамбаш көліне келуші туристтер санының көбеюі күтілуде.

 «Байқоңыр» атты Қазақстандық брендті және Қазақстанға әлемдік туристтік имиджді қалыптастыру мақсатында Байқоңыр қаласының жанында, яғни Қармақшы ауданында «Байқоңыр» ойын-сауық туристік аймағын құру бойынша жұмыстар жүргізілуде. Бұл бағытта әкімдік тарапынан 3 тілде бейнеролик әзірленіп, қазіргі таңда жер телімін анықтау бойынша жұмыстар жүргізілуде.


Қызылорда облысының туристік саласын дамыту бойынша 2017 жылы өткізілген шаралар туралы

 

2017 жылдың 25 ақпанында Қызылорда облысының кәсіпкерлік және туризм басқармасының бастамасы бойынша жеке кәсіпкер «Исаев» және Байқоңыр қаласы балықшылар клубының бірлесуімен Арал ауданы, Қамыстыбас ауылы, Жалаңаш көлінде «Қысқы балық аулау» сайысы ұйымдастырылды. Сайысқа Қызылорда қаласынан, Байқоңыр қаласынан және Арал ауданынан 13 топ қатысты. Сайыс қорытындысы бойынша  ең үздік үштікті иеленгендер мен ең үлкен балық аулағандар бағалы сыйлықтармен марапатталды. Сондай-ақ белсене қатысқан ең кішкентай балық аулаушыларға да алғыс хаттар берілді.

2017 жылдың 19-21 сәуір аралығында Алматы қаласында «Туризм және саяхат» Халықаралық көрмесі өткізілді. Көрмеге Қазақстаннның барлық өңірлері сонымен қатар, шетел мемлекеттерінің өкілдері де қатысты.

Қызылорда облысынан барғандар шетел кластерлері орналасқан павильондарда өз бұйымдарын көрсетті.

Көрмеге облыстағы басты туристік нысандар «Қорқыт Ата» мемориалдық және «Байқоңыр» кешендерінің  үлестірмелі материалдары, туристік нысандары бар брошюралар, винилдік баннерлер қойылды.

 

Елбасының «Болашаққа бағдар: рухани жаңғыру» атты бағдарламалық мақаласын іске асыру аясында атқарылған жұмыстар туралы.

Басқарма тарапынан Елбасы  Нұрсұлтан Әбішұлы Назарбаевтың  «Болашаққа  бағдар: рухани жаңғыру» бағдарламалық мақаласының «Рухани қазына» кіші бағдарламасы «Туған жер-туған ел» базалық бағытының аясында 2 жоба іске асырылды. Біріншісі «Этноауылды ұйымдастыру» кіші жобасы, екіншісі  «Әлемдік туризм күніне» арналған облыстық туристік фестиваль өткізу.

Аталған жобалардың орындалу барысы және аяқталуы бойынша Жоба жарғысы және Іс-шара паспорты әзірленді. Аталған  Жоба жарғысы мен Іс шара паспортында жобаның негізгі мақсаты, нәтижесі, қол жеткізілген индикаторы және аналитикалық жазбалары бойынша толық мәлімет ұсынылып,  облыс бойынша Рухани жаңғыру бағдарламасына жауапты  Жобалық кеңсеге есеп берілді.

Сондай-ақ, 2017 жылдың 24-25 маусымында «Жастар болашақ энергиясы» ұранымен «Менің Отаным - Қазақстан» жас туристердің облыстық слеті Жаңақорған ауданы, Құттықожа елді-мекенінде орналасқан «Тау Самалы» демалыс орнында өткізілді. Оған 6 адамнан құралған 6 топ қатысып, оның ішінде жеңімпаз атанғандарға жүлделер табысталды.

2017 жылдың 27-29 қыркүйек аралығында Астана қаласында «Astana Leisure - 2017» көрмесі өткізілді. Көрмеге облыстың негізгі туристік нысандары жөніндегі брошюралар қойылып, түрлі қолөнер бұйымдары көрсетілді.

Қыркүйектің 27-сі күні туризм күні аталып өтіп, «рухани жаңғыру» бағдарламасы аясында Арал, Қазалы аудандарына «Жаңғырған жастар» атты туристік экспедиция ұйымдастырылды. Экспедиция барысында тарихи мұражайлар араланды.

Сол сияқты 2017 жылы қазанның 28-і күні Елбасының «Болашаққа бағдар: рухани жаңғыру» бағдарламалық мақаласын іске асыру аясында жасөспірімдер мен жастар арасында бұқаралық туристік жұмыстарды жандандыру, өскелең ұрпақты отансүйгіштікке тәрбиелеу, салауатты өмір салтының дағдыларын қалыптастыру мақсатында  облыстық кәсіпкерлік және туризм басқармасы бастамасымен Жалағаш, Қармақшы аудандарына туристік экспедиция ұйымдастырылып, тарихи маңызы бар ескерткіштер мен мұражайлар араланды. 

Экспедиция құрамында 50-ге жуық орта және жоғарғы оқу орындарының студенттері қатысты.

Экспедиция барысында студенттер Жалағаш және Қармақшы аудандарының туристік әлеуеті бар мәдени-тарихи нысандары «Қалжан-Ахун» кесенесі және «Қорқыт Ата» мемориалдық кешенін тамашалады.

Экспедиция нәтижесінде студенттерге қазақ халқының мәдениеті мен тарихы туралы көбірек білуге ​​мүмкіндік берілді.


ЖАСТАР ЭНЕРГИЯ КӨЗІ

                Көктемнің бірінші көніңде«Ustudy»орталығында «Астана ЕХРО-2017» халықаралық көрмесіне арналған брейн ринг өтті.

Бұл интеллектуалдық сайысқа 12 мектептен 11 сынып оқушылары 4 «Carpe diem», «iHope», «Zien» және «Irreplaceble» командаға бөлініп өз араларында сайыс көрсетті.

Сайыс 4 турдан тұрды: Полиглот оқушылар Президенттің үш тілдік стратегиясын қолдау мақсатында, 1- ші турда үш тілде сайыс көрсетті. Келесі турда командалар картадаан елдерің астаналарын тауып  география жағынан білімдерін сынады.

Сайыстың бітер алдында кішкене үзіліс жасалып «Астана ЕХРО-2017» ресурстық орталығының қызметкерлері оқушыларға  «Астана ЕХРО-2017» халықаралық көрмесі туралы толық ақпарат, оған қоса Байқоңыр ғарыш кешені және Қорқыт Ата мемориалдық орталығы  туралы мәліметтер берді. Оқушылар өздерін қызықтырған сұрақтарын қойып керек  ақпараттарын алды.

Сайыстың соңында оқушылар «Жастар болашақтың энергиясы» атты өзара дебат ұйымдастырды. Бұл күрделі сайыста «Zien» командасы   жеңіске жетті.

Барлық қатысушыларға кәсіпкерлер мен туризм басқармасының атынан ескерткіш  сыйлықтар берілді. Оқушылар оған қоса «Әлеуметтік желінің зияны» атты лекция тыңдады.

 

 

«Астана EXPO2017» ресурстық ортылығы

 


ЖАСЫЛ ЭНЕРГИЯ

         Үстіміздегі жылдың 28 ақпанында облыстық индустриялық-инновациялық даму басқармасы мен «Қорқыт Ата» атындағы Қызылорда мемлекеттік университетінің бірлесіп ұйымдастыруымен  «Астана- ЭКСПО-2017» көрмесіне арналған  «Келешек инновациясы. Баламалы көздер» атты іс –шарасы  өткізілді.

         Көрме аясындағы екі тақырыпта өткізілген ғылыми-тәжірибелік конференцияда жас ғалымдар өз өенерлерін көпшілікке ұсынды.

         Іс-шараның негізгі мақсаты - болашақ   энергиясына    ұқыптылық    мәдениетін дамыту мен жастар арасында ғылыми -инновациялық біліктілікті арттыру болды. «Келешек инновациясы» тақырыбындағы Көрмеде оқушылар мен студенттердің әзірлеген 35 жобасы назарға қойылды.

         Көрмені тамашалауға Қызылорда облысы әкімінің орынбасары Евгений Ким қатысты. Нәтижесінде, комиссия шешімімен бес номинация бойынша жоба жеңімпаздары облыс әкімдігі атынан дипломдармен марапатталды.

1.                «ІТ-технологиялар саласындағы инновациялық идея» номинациясымен  Қорқыт Ата атындағы ҚМУ-ң магистранты  Гүлжайна Тәжібаева марапатталды.

2.                «Оқушылар  арасындағы  үздік  инновациялық  жоба»  номинаци -ясымен Қалалық ХББ Назарбаев зияткерлік мектебінің  оқушылары Мақсат Қарлыхан  және Сақтаған Қасымжанұлы марапатталды.

3.                «Үздік студенттік бизнес жоба» номинациясымен Қорқыт Ата атындағы ҚМУ-ң студенттеріЖанна Нуртаева, Жанель Сейдбаттал марапатталды.

4.                «Үздік рационализаторлық шешім» номинациясыменҚорқыт Ата атындағы ҚМУ-ң студенті Гүлзинат Саттар марапатталды.

5.                «Жасыл экономика саласындағы үздік инновациялық идея»  «Физика- химиялық талдау әдістері» инженерлік бейіндегі зертханасының инженері - Динара Ниязова , «Мұнай газ инжинирингі» кафедрасының оқытушысы - Еркебұлан Жақсылықов марапатталды.

           Конференция соңында баяндамашылар мен көрмеге қатысушылардың барлығы белсенділіктері үшін  облыс әкімдігінің атынан сертификаттармен  марпатталды.

 


 

 

"ЭКСПО-2017" Халықаралық мамандандырылған көрмесіне дайындық жұмыстарын ілгерілету мақсатында үстіміздегі жылдың 27 ақпанынан бастап облыстық кәсіпкерлік және туризм басқармасы жанынан ресурстық орталық ашылып, жұмыс жасап келеді.

      Орталыққа кез келген облыс тұрғыны "ЭКСПО-2017" Көрмесіне қатысты көкейдегі сауалдарға жауап тауып, тиісті мамандардың кеңестерін ала алады.

      Ресурстық орталық Қызылорда қаласы, Әйтеке би көшесі 28, "Кәсіпкерлер үйі" 3 қабатта орналасқан.

      @EXPO.2017.res.center.kyz инстаграмм желісінде орталықтың жұмысы жайында толық ақпарат орналастырылып отырады.

Құрылған күні: 27-06-2016 11:33
Жаңартылған күні: 17-07-2019 12:10

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика